Në Maqedoni, me pagën mesatare mund të blihen 423 litra karburantë, ndërsa çmimi mesatar arrin në 1.07 euro. Maqedonia e Veriut renditet e nënta në Evropë dhe e katërta në rajon sa i përket fuqisë blerëse karburante me pagën mesatare. Në Greqi, me pagën aktuale mesatare mund të blihen 627 litra me çmim mesatar 1.57 euro, në Serbi 440 litra me çmim mesatar 1.27 euro, në Bullgari 587 litra (0.99 euro), në Kroaci 718 litra (1.81 euro), në Mal të Zi 417 litra (1.27 euro) dhe në Bosnjë 484 litra (1.04 euro)
Picodi, një kompani e analizës së tregut me bazë në Poloni, nëpërmjet anketimit ka ngritur një raport i cili tregon se sa litër karburant mund të blejë një banor me një pagë mesatare neto, raporton Profit.ro. Renditur më mirë ishin vendet si Spanja (1026 litra dhe vendi i 18-të), Italia (858 litra dhe vendi i 23-të) ose Polonia (808 litra dhe vendi i 25-të). Situata duket edhe më mirë në Suedi (1771 litra dhe vendi i 9-të), Gjermani (1786 litra dhe vendi i 8-të) dhe Irlandë (2029 litra dhe vendi i 5-të), sipas të dhënave totale nga Picodi. Shqipëria, Moldavia dhe Ukraina zunë tre vendet e fundit përkatësisht me 289, 358 dhe 389 litra. Në Maqedoni, me pagën mesatare mund të blihen 423 litra karburantë, ndërsa çmimi mesatar arrin në 1.07 euro. Maqedonia e Veriut renditet e nënta në Evropë dhe e katërta në rajon sa i përket fuqisë blerëse karburante me pagën mesatare.
Në Greqi, me pagën aktuale mesatare mund të blihen 627 litra me çmim mesatar 1.57 euro, në Serbi 440 litra me çmim mesatar 1.27 euro, në Bullgari 587 litra (0.99 euro), në Kroaci 718 litra (1.81 euro), në Mal të Zi 417 litra (1.27 euro) dhe në Bosnjë 484 litra (1.04 euro). Në Shqipëri, çmimi mesatar i karburanteve është 1.3 euro, ndërsa me pagën mesatare mund të blihen 289 litra karburante.
Nga 104 vendet e anketuara, çmimi më i ulët i benzinës u vu re në Algjeri (0.29 euro për litër), dhe çmimi më i lartë – në Hong Kong (2.03 euro për litër). Në renditjen globale të fuqisë blerëse, vendet e Gjirit janë vazhdimisht në krye të renditjes: Katar – 6532 litra; Arabia Saudite 5170 litra; Kuvajti 5158 litra. Amerikanët mund të blejnë 4723 litra benzinë për pagën mesatare, australianët 4128 litra, kanadezët 2616 litra dhe kinezët 955 litra.
Situata më e keqe u vërejt në Kubë. Në këtë vend, 26 litra benzinë mund të blihen për pagën mesatare (2 litra më pak se një vit më parë). Taxhikistani dhe Zambia janë vetëm pak më të mirë, me 188 dhe 214 litra. Vlen të shikohet edhe Venezuela. Ky vend po lufton me një situatë të paqëndrueshme ekonomike por ka ruajtur kufijtë e vitit të kaluar në blerjet e benzinës. Çdo qytetar mund të blejë 120 litra benzinë me rreth 0.0015 euro për litër. Sapo të tejkalohet kufiri, çmimi i benzinës rritet në 0.42 euro për litër. Sipas llogaritjeve, paga mesatare në këtë vend ju lejon të blini 230 litra benzinë (120 litra të subvencionuara dhe 110 litra me çmimin e përgjithshëm), 82 litra më shumë se vitin e kaluar./Kohamk/
