📌 Kur shkelet një marrëveshje, shihen modalitetet për marrëveshje të re. Me ekspertë ndërkombëtarë kërkojmë zgjidhje që garanton legjitimitetin e shqiptarëve
📌 Qeveria po bën shantazhe në emër të drejtësisë dhe liron terroristët e 27 prillit nga burgu
Ziadin Sela, lider i ASh-së, pjesë e Frontit Europian ka bërë të ditur se po synohet të ndryshohet sistemi në Republikën e Maqedonisë së Veriut, dhe këtë, siç tha ai, po e bënë Fronti Europian.
Para mbledhjes së kryesisë së partisë në Gostivar, Sela tha se Fronti ka maturinë e nevojshme politike për të bërë këtë dhe qëllimi siç vlerësoi ai, është të mbrohet legjitimiteti i shqiptarëve.
“Kemi maturinë e duhur politike për të sjellë ndryshime në sistem në situata të qeta dhe jo në situata konflikti. Këtë po e bën Fronti Europian. Po hap tema – ne nuk jemi histerik për të qenë më patjetër pjesë e pushtetit. Gjithsecili që mundohet të mvesh këto lloj konotacionesh…, aktivitetin që e ne bëjmë dhe betejën politike që ne e bëjmë për të mbrojtur votën e shqiptarëve”, tha Sela.
Sela përmend ndarjen në formë “kantonizimi, regjionesh gjyqësore”, që sipas tij, tashmë zbatohen në shtetet evropiane që kanë komunitet edhe më të vogël se shqiptarët – nën 30%.
