Kryetari i Aleancës për Shqiptarët, Ziadin Sela në një paraqitje mediatike u pyet për procesin e regjistrimit. Ai thotë se është shumë e nevojshme që të dihet numri real, duke shtuar se ligji është decid, ligji numrin e përgjithshëm të popullatës e quan shumën ndërmjet popullatës rezidente dhe jorezidente.
“Skandaloze më duken deklaratat e kryeministrit Zaevit i cili asesi që të largohet nga mendësia e vet mesjetare. Ai mendon që është sundues. Sepse në mesjetë nga sunduesi vareshin të drejtat e qytetarëve.
Sot jetojmë në shekullin 21 dhe nuk duhet të varen të drejtat kolektive të një populli nga dëshira e mirë ose e keqe e ndonjë sunduesi. Por kjo vjen rezultat i përkrahjes të programeve dhe platformave që legjitimohen me votë dhe legjitimohen në Parlament.
Sela ndër të tjera shtoi se ne nuk kemi nevojë dikush të na tregoj përralla, ne e kemi shumë të nevojshme që të dimë numrin real të popullatës në RMV
