Pas njoftimit të Komisionit Rregullator për Energji (KRrE) se nga mesnata do të rriten çmimet e derivateve të naftës, në pompat e benzinës në Shkup dhe në Tetovë është vërejtur një radhë e madhe e kolonave të automjeteve, përcjell Nistori.
Në rrjetet sociale sërisht po qarkullojnë fotografi dhe video të qytetarëve që presin në radhë në pikat e karburantit dhe e njëjta situatë ka qenë edhe javën e kaluar, për shkak të lajmeve në rrjetet sociale se do të ketë limit të karburantit.
E njëjta situatë ishte edhe të enjten e kaluar kur autokolona të gjata automjetesh prisnin në pikat e karburantit në të gjithë vendin dhe situata është e ngjashme me të gjitha vendet e Ballkanit.
KRrE bëri të ditur se, sonte benzina do të rritet për 5,5 denarë, ndërsa dizeli për 10 denarë. /Nistori
