I ka kërkuar foto nudo dhe kur vajza e mitur nuk ia ka dërguar, ia ka marrë fotot dhe videot nga profili dhe ka nisur t’ia publikojë në rrjetet sociale me shkrime të turpshme dhe ofenduese.
Në këtë formë një pedofil nga Tetova ka shantazhuar një vajzë 12-vjeçare nga Kosova, që të përfitonte fotografi të trupit të së miturës. Mesazhet në rrjetin social “Tik-Tok” dëshmojnë pjesë nga ky komunikim, ku personi në fjalë kërkon fotografi, ia kërkon llogarinë në aplikaiocnin Snapchat, ose në të kundërtën do të vazhdojë të hedh foto dhe video në rrjetet e tjera sociale me profil fallco, por në emër të vajzës së mitur.
Dhe kështu ka bërë. Ja një video e vjedhur nga profili i vajzës dhe e postuar me fjalë të pista, të cilat po u mbulojmë për shkaqe etike. TV21 e di edhe identitetin e pedofilit, por nuk po e publikojmë për shkak të prezumimit të pafajësisë.
E ndjerë në presion, 12-vjeçarja i ka treguar mamasë së saj, e cila më pas kontaktoi TV21 si dhe organet e rendit në Maqedoninë e Veriut. Duke dashur të ruajë identitetin e saj, e si rrjedhojë edhe të vajzës, e ëma rrëfen për rastin nga i cili edhe ajo është ndjerë e turpëruar.
“E ka kërcënuar vajzën dhe më ka treguar vajza dhe më vinte turp që të lexoja se çfarë ka shkuar fjala të ndyra ajo është skuqur edhe nuk e ka ditë se çfarë është duke kërkuar, dhe më vjen të shumë rëndë dhe kolegët e punës me kanë ndihmuar me e zbuluar se kush është”, tha nëna e vajzës së mitur.
-Mes asaj që më tregove, më the se i ka kërkuar edhe foto lakuriq vajzës. Vajza sa vjeçare më thatë se është?
“12 vjeçare.”
-E ka kuptuar se çfarë kërkon ai person edhe çfarë kërcënime ka marrë?
“Fillimisht nuk ka kuptuar por duke lexuar ka hyrë edhe më thellë tash edhe natën nuk po fle, frikësohet që të dalë jashtë, do vetëm afër meje të qëndrojë, ka marrë trauma, shkurt..”
Sipas pohimeve të nënës së vajzës, pedofili i ka shpërndarë fotot e të miturës në disa rrjete sociale dhe ka këmbëngulur në qëllimin e tij.
“-Jo, jo, ajo nuk i ka dërguar foto por ai e ka bërë kopje nga profili i saj dhe ka shkruar fjalë të ndyta në “Tik-Tok”, “Youtube”, dhe i ka thënë nëse nuk dërgon më shumë foto ose video do t’i shpërndaj më shumë në “Instagram”, “Facebook”, në të gjithë anët. Unë nuk mund të besoja njëherë se më vinte shumë rëndë para vajzës, është e rëndë shumë.”
Nëna e së miturës rastin ka dashur ta bërë publike me qëllimin e vetëm – parandalimin e rasteve të tjera tek fëmijë të tjerë, të cilët çdo ditë janë në shënjestër të pedofilëve.
Për të, siç thekson, jeta tashmë ka ndryshuar, por apelon deri tek të gjithë prindërit që të jenë më të kujdesshëm për fëmijët e tyre kur u japin telefona celular.
“-Tepër e vështirë është për mua por dua ta bëj publike që vajzave të tjera mos t’u ndodh”
-Mendoni se ky person shantazhon edhe vajza të tjera?
-Po ka postuar edhe vajza tjera.
-Çfarë do t’u kishe thënë baballarëve, nënave?
-Duhet t’i shikojnë më shumë telefonat se disa vajza edhe nuk flasin e mbajnë të fshehtë.”
Nëna nga Kosova shpreson se autoritetet e Maqedonisë do ta zbardhin rastin.
“Unë për vete do kisha dashur që të jetë në burg ai se është e rëndë shumë, nesër apo pasnesër mund të behët edhe më zi.”
TV21 do të vazhdojë ta ndjekë këtë rast, duke kërkuar edhe nga organet e rendit përgjigje se çfarë do të ndërmarrin për zbardhjen dhe eventualisht ndëshkimin e paraparë sipas ligjeve për vepra të këtilla.
