Në qoftë se ndiqen të dhënat nga aplikacionet të cilat e masin ndotjen e ajrit, Shkupi edhe sot është qyteti me ndotje shumë të lartë. Sipas servisit botëror “Aj-kju er” (IqAir), Shkupi mëngjesin e sotëm është në vendin e 20-të në botë, ndërsa i dyti në Evropë për nga ndotja e ajrit.
Ajër më të ndotur kanë thithur banorët e lagjes Ilinden.
Ministria e e Mjedisit Jetësor alarmoi se është tejkaluar pragu i alarmimit. Ndotja në Shkup është problem me dekada, posaçërisht në periudhën dimërore dhe kohëzgjatjen e sezonit të ngrohjes.
