Një video shokuese ka kapur sulmin brutal ndaj një burri i cili shihet duke u rrahur në një prej autostradave në pjesën e Pollogut, duke u goditur disa herë në kokë nga një grup njerëzish. Dy persona shihen duke e goditur me grushta e shqelma dhe sipas dialektit, sulmuesit janë nga zona e Gostivarit, shkruan Nistori.
Nuk dihen arsyet e rrahjes, por sipas sulmuesve kuptohet se viktima nga Balindolli i Gostivarit i ka sharë më herët dhe kjo është një ndër arsyet pse ka ndodhur rrahja. Akoma nuk është konfirmuar nëse rasti është paraqitur në polici dhe të qartësohen arsyet e incidentit.
Nistori ka vendosur që mos ta publikojë videon e incidentit, me qëllim për të respektuar kodeksin e gazetarisë dhe për të respektuar privatësinë e viktimës. Gazetari do ta respektojë privatësinë e personit, përveç kur kjo bie ndesh me interesin publik. Gazetari është i detyruar ta respektojë dhimbjen dhe vuajtjen e personit. (Neni 7) /Nistori/