Vitin e ardhshëm, shteti do të ketë një gjyqësor plotësisht të digjitalizuar. Do të digjitalizohen 34 Gjykata ose gjithsej 187 salla gjyqi. Nga Ministria e Drejtësisë thonë se ligjet do të ndryshojnë, që gjykimet të mund të zhvillohen online, dhe ata thonë se kjo do ti zvogëlojë kostot për të paraburgosurit që tani po çohen nga burgu në gjykatë.
I gjithë procesi planifikohet të përfundojë brenda një viti. Salla e gjykatës po pajiset në burgun e Idrizovës, që do të mundësojë gjykime nga distanca dhe procedura më të lira gjyqësore. Në raste të caktuara, nuk do të ketë nevojë të dërgohen të burgosurit nga burgjet në gjykatë për prezencë”, thonë nga Ministria e Drejtësisë.
Ekspertë nga Shtetet e Bashkuara duhet të udhëtojnë në vendin tonë për të vlerësuar se cilat pajisje të IT-së duhet të jenë në secilën nga sallat e gjykatave. Por, si do të mundet gjykata të vlerësojë nëse dëshmitari deklaratën e tij para gjykatës e jep nëpërmjet kompjuterit e jo me prani fizike?
Për këtë çështje po debatohet dhe diskutohet sepse ne jemi tashmë përvoja krahasuese”, theksoi Lazar Nanev, gjykatës.
Tani për tani është paqartë nëse aktgjykimet do të jenë online, pasi gjatë shqiptimit të tyre, prokurorët publik ndonjëherë kërkojnë paraburgim efektiv deri në plotfuqishmërinë e aktgjykimit , në mënyrë që të pandehurit të mos ikin.
Përvojat komparative tregojnë se në të gjitha fazat e procedurës mund të përdoren mjetet digjitale ose gjykimet online ose hibride, varësisht nga nevoja. Por mbi të gjitha, ne duhet ta përmendim, nëse ka vërtet pengesa ligjore ose pengesa të tjera që kërkojnë përdorimin e mjeteve digjitale në procesin gjyqësor”, deklaroi Lazar Nanev, gjykatës.
Me digjitalizimin e gjyqësorit, qytetarët do të jenë në gjendje t’i marrin në mënyrë elektronike certifikatat se nuk janë të dënuar. Gjithashtu të pandehurit nga qytete tjerë do të mund të paraqiten nga shtëpia./Alsat/
