“Të gjithë duhet të investojmë në planetin tonë”

    Ministria e Mjedisit Jetësor dhe Planifikimit Hapësinor me rastin e 22 prillit, ditëlindjes së planetit tonë e cila është edhe shtëpia jonë e vetme, përmes një komunikate u dërgon mesazh dhe i fton të gjithë: institucionet, komunitetin e biznesit, organizatat dhe lëvizjet e shoqërisë civile, çdo individ – Të gjithë bashkë tani!, të investojmë në planetin tonë, sepse e ardhmja e gjelbër është është e ardhme prosperuese.

    “Ky është momenti për të ndryshuar klimën e biznesit, klimën politike dhe mënyrat në të cilat ne marrim veprime dhe përgjegjësi për klimën. Tani është koha për guxim të palëkundur për të ruajtur dhe mbrojtur shëndetin tonë, familjet tona, jetesën tonë … së bashku, ne duhet të investojmë në planetin tonë sepse një e ardhme e gjelbër është një e ardhme e begatë”, theksohet në kumtesën e MMJPH.

    Njëherit, shtohet se duhet të veprojmë (me guxim), të përtërijmë (gjerësisht) dhe të zbatojmë (me drejtësi).

    “Duhet të përfshihemi të gjithë – të gjithë të përfshihen dhe të gjithë të jenë përgjegjës. Koha është për një PARTNERITET PËR PLANETIN. Dhe përderisa ka ende kohë për të zgjidhur krizën klimatike, është koha për të zgjedhur një të ardhme të begatë dhe të qëndrueshme dhe është koha për të rinovuar natyrën dhe për të ndërtuar një planet të shëndetshëm për fëmijët tanë dhe fëmijët e tyre. Koha është e shkurtër. Për këtë ditë, për të gjithë, çdo ditë, investoni në planetin tonë!”; shtohet më tej në kumtesë.

    Lajmi Paraprak

    “Bullgarët në mënyrë fshatarake iu qasën politikës dhe marrëdhënieve me RMV-në”

    Lajmi i rradhës

    VMRO-DPMNE kërkon dorëheqjen e Oliver Spasovskit

    Lajme tjera

    Bashkohu

    Informohu në kohë