Kryeministri i Kroacisë Andrej Plenkoviq priti dje në takim komisionarin e Komisionit Evropian për Fqinjësi dhe Zgjerim, Oliver Varhelyi me të cilin ka biseduar mbi procesin e zgjerimit të BE-së, njoftoi qeveria kroate.
Plenkoviq theksoi nevojën e hapjes sa më të shpejtë të bisedimeve të anëtarësimit me Shqipërinë dhe Maqedoninë e Veriut në Bashkimin Evropian.
U diskutua për situatën në Bosnje dhe Hercegovinë dhe proceset reformuese në atë vend.
Plenkoviq theksoi rëndësinë e ndryshimit të ligjit zgjedhor të BeH-së, me qëllim që të sigurohet barazia e kroatëve si popull përbërës.
Ai theksoi se reforma zgjedhore është vendimtare për funksionalitetin dhe stabilitetin e BeH, si dhe për të ardhmen e saj evropiane, në të cilën BeH ka mbështetjen më të madhe nga Kroacia.
