Universiteti Ndërkombëtar i Strugës, pas të cilit qëndron kryetari i komunës së Strugës, Ramiz Merko, ka fituar të drejtën e fakultetit të ri në programën studimore, Fakultetin e Shkencave të Mjekësisë. Një vendim të tillë e ka marrë ministri në largim i Arsimit dhe Shkencës, Jeton Shaqiri, i cili po ashtu është me origjinë nga Struga dhe është partiak me Merkon në BDI, përcjell Nistori.
Studentët e ardhshëm do të mund të studiojnë shkencat e mjekësisë në këtë institucion privat të arsimit të lartë që ka edhe Fakultetin e Shkencave Ekonomike, Fakultetin Juridik, Fakultetin e Teknologjive të Informacionit dhe Fakultetin e Shkencave Politike.
Ministria e Arsimit dhe Shkencës ka konstatuar se janë plotësuar kushtet për fillimin e punës në Fakultetin e Shkencave të Mjekësisë në Universitetin Ndërkombëtar të Srugës. Agjencia për Cilësinë e Arsimit të Lartë dhe Bordi i Akreditimit poashtu kanë dhanë mendim pozitiv.
Në Maqedoninë e Veriut ekzistojnë disa fakultete të mjekësisë, duke përfshirë Fakultetin e Mjekësisë në Shkup, Shtip dhe Tetovë. Këto fakultete ofrojnë arsim në fusha të tilla si mjekësia e përgjithshme, infermierët/teknikët profesionistë, teknologët radiologjikë, logopedi dhe fizioterapi. Vitin e kaluar, Institucioni Privat i Arsimit të Lartë International University “Vizion” në Gostivar mori leje për themelimin e Fakultetit të Shkencave Shëndetësore.
Vitin e kaluar më 20 qershor, Departamenti i Shtetit e cilësoi kryetarin e Strugës Ramiz Merkon si të papranueshëm për hyrje në Shtetet e Bashkuara, gjegjësisht në listën e zezë për shkak të përfshirjes në korrupsion të madh. Departamenti i Shtetit tha më pas se si kryetar i komunës së Strugës, ai ka keqpërdorur fondet komunale dhe ka ndërhyrë në proceset gjyqësore dhe të tjera publike, duke dëmtuar besimin e publikut në RMV në institucionet e shtetit. Në të njëjtën kohë, bashkëshortja e tij Shpresa dhe tre fëmijët e rritur, Genci, Nazmija dhe Drenusha, janë në listën e zezë të ShBA-ve. /Nistori/
