Prokuroria ka përfunduar hetimet për aksidentin e autobusit në autostradën e Strumës-Bullgari, ku humbën jetën 45 shtetasë të Maqedonisë. Zëvendëskryeprokurori Borislav Sarafov tha për BTV se shkak, sipas hetimeve, ka qenë moskontrolli i autobusit nga shoferi dhe shpejtësia e lartë, e papërshtatshme. Rezultatet do t’u dërgohen autoriteteve të Maqedonisë, pasi të dy vendet në ditën e aksidentit ranë dakord që hetimin ta kryejë vetëm pala bullgare, përcjell Nistori nga dnevnik.bg
“Shkak i aksidentit është humbja e kontrollit të vozitësit të autobusit. Dhe shpejtësia e lartë, të themi e papërshtatshme, e cila megjithatë nuk ishte mbi atë të lejuarën”.
Më 23 nëntor 2021, një autobus nga RMV u përplas në një pjesë të autostradës, e cila më vonë u vërtetua se kishte status rrugor ndërqytetës. Zjarri mori jetën e 45 shtetasve të Maqedonisë së Veriut, duke përfshirë shoferin, ndërkaq shtatë mbijetuan. Në paraqitje të ndryshme në media, zëvendëskryeprokurori Sarafov theksoi se nuk kishte asnjë lidhje në mes të aksidentit dhe shenjave të rrugës (pavarësisht se ai pranoi se nuk i plotësonte kriteret), por parmaku mbi të cilin ishte vendosur autobusi ishte i rrezikshëm dhe kontribuoi në aksident. Më pas, infrastruktura rreth vendit të ngjarjes u riparua disa herë.
Autobusi mësohej se ishte i vjetër 14 vite, dy prej të cilëve ishin në pronësi të transportuesit “Besa Trans” dhe kontrollin teknik e ka kaluar tre muaj para aksidentit.
Sipas një analize të ekspertit për siguri në rrugë Dimitar Iliev, rol serioz në aksident ka edhe gjendja e shenjave dhe sinjalistikës rrugore në vendin e aksidentit.
Ministrja në detyrë e rajonit Violeta Komitova, nga ana e saj, informoi për kronologjinë e ndërtimit të rrugës, e cila rezultoi të ishte pa ligjin 16. Ajo u përpoq të shpjegonte se i gjithë fokusi nuk duhet të jetë në infrastrukturë, duke treguar se 300 metra më parë aksidenti ka pasur një rrjedhje karburanti dhe tym. /Nistori/
