- Përditësim
Pesë protestuesit janë dënuar me nga 1 vjet burg me kusht që për 3 vjet mos të përsërisin veprën e njëjtë.
Pesë protestuesit për tragjedinë në Tetovë e kanë pranuar fajin dhe u kanë kërkuar falje policëve që i sulmuan ditën e protestës.
Policët e kanë pranuar kërkim faljen dhe nuk kërkojnë dëmshpërblim, por vetëm përgjegjësi penale.
Të akuzuarit siguruan se më nuk do ta përsërisin veprën, raporton gazetari i TV21 nga seanca që po mbahet në Gjykatën e Tetovës.
Pritet shpallja e vendimit nga gjykatësi.
Protestuesit u mblodhën në rrugët e Tetovës për të shprehur pakënaqësinë për tragjedinë që e kaploi këtë qytete mbrëmjen e 8 shtatorit, ku nga zjarri u shkrumbua Spitali modular dhe si pasojë ndërruan jetë 14 persona dhe u lënduan 12 pacientë të cilët kanë qenë të shtrirë për t’u kuruar kundër Covid-19.