Varhelyi: Shtyrja e hapjes së negociatave me Maqedoninë e Veriut dhe Shqipërinë ka krijuar ndikim negativ

    Komisioneri i Bashkimit Evropian për Fqinjësinë dhe Zgjerimin, Oliver Varhelyi tha se Maqedonia e Veriut dhe Shqipëria i kanë përmbushur kushtet për të hyrë në BE, gjatë prezantimit të paketës së zgjerimit nga Parlamenti Evropian. Sipas komisionerit, shtyrja e hapjes së negociatave me Shqipërinë dhe Maqedoninë e Veriut ka krijuar impakt negativ.

    “Shtyrja e hapjes së negociatave me Shqipërinë dhe Maqedoninë e Veriut ka krijuar impakt negativ. Duhet zgjidhur problemi bilateral mes Maqedonisë së Veriut dhe Bullgarisë. Të dyja vendet kanë përmbushur kushtet. Është e rëndësishme që këtë ta kuptojnë edhe vendet e BE. Që të nisim dhe konferencën e parë ndërqeveritare. Pas Shqipërisë dhe Maqedonisë së Veriut do të kalojmë te Mali i Zi, ku janë hapur kapitujt të negociatave.

    Nuk mund do të mbyllen kapitujt, kjo është pjesë e metodologjisë së re. Mali i Zi duhet të shtojë përpjekjet, siç është liria e shtypit, lufta kundër korrupsionit dhe krimit të organizuar. Serbia duhet të forcojë pavarësinë e gjyqësorit, kjo duhet të bëhet brenda këtij viti. Falënderoj Tanja Fajon për misionin e përmbushur për dialogun Serbi-Kosovë. Shqipëria ka arritur rezultate të prekshme në reforma, në luftën kundër korrupsionit” – tha Varhelyi.

    Lajmi Paraprak

    Taravari shprehet decid: Në rrethin e dytë të gjithë kundër BDI-së

    Lajmi i rradhës

    Raporti i KE-së, Kurti: Për gjashtë muaj kemi shënuar progres më shumë se Qeveria e mëhershme – dallon si dita me natën

    Lajme tjera

    Bashkohu

    Informohu në kohë