Vdes 19-vjeçari Toni Sali, i cili luftoi për një dekadë me Zyrën e Regjistrit për të marrë numrin amë dhe një certifikatë lindje, njofton DSK, përcjell Nistori.
Ai nuk priti të regjistrohej në këtë vend, se ekzistonte apo se është gjallë. Për herë të parë dje, emri i tij u regjistrua në MPB, por si një person i vdekur.
Toni nuk do të ketë vërtetim për vdekje. Sikur të mos ekzistonte. Dokumenti dhe prova e vetme që ai ekzistonte, do të mbeten rrobat e tij, çmimet e fituara vendase dhe në garat ndërkombëtare. Shkollat i kanë hapur derën atij përkundër ligjit, bazuar në Konventën për të Drejtat e Fëmijëve.
Sali vdiq në shtëpi, por nuk dihen arsyet e vdekjes së parakohshme të tij, sepse ky djalë, pa certifikatë lindje, asnjëherë nuk ka pasur kartelë shëndetësore apo një letërnjoftim. Nuk kishte para për ekzaminime mjekësore private, kjo familje e rrezikuar nga shoqëria.
Avokati i Popullit kishte alarmuar për golgotën e këtij djali dhe familjes së tij para Zyrës së Regjistrit, nën udhëheqje të Bujar Dardhishta.
Administrata kurrë nuk ia njohu babanë e tij biologjik. Një pengesë shumë e madhe ligjore ishte se kur lindi Toni, nëna, e cila kishte jetuar me babanë e tij në Maqedoni për shumë vite, nuk ishte divorcuar nga burri i saj i parë nga Bullgaria. Prandaj, shteti ynë këmbënguli deri në fund ta detyronte atë si baba që t’i jepte një certifikatë lindjeje.
Toni ka lindur në Maqedoni, në Kompleksin Klinik “Nëna Tereza”, ka pasur nënë dhe baba biologjik me të gjita kushtet për t’u regjistruar në Librin amë të të lindurve.
Edhe po të kishte pasur probleme shëndetësore, ky person asnjëherë nuk i diktoi. As ai, as familja e tij, për shkak se nuk kishte librezë për të shkuar te mjeku. /Nistori/
