Drejtorët e të gjitha ISHP -ve në RMV i shkruajnë Zaevit: Nuk pranojmë dorëheqjen e Filipçes

    Drejtorët e institucioneve publike shëndetësore (ISHP) në vend i dërguan një letër kryeministrit Zoran Zaev duke thënë se ata nuk pranojnë dorëheqjen e Ministrit të Shëndetësisë Venko Filipçe dhe nënvizojnë se i japin mbështetje të pa rezervë për të qëndroj në krye të Ministrisë së Shëndetësisë.

    “I nderuar kryeministër, në kulmin e valës së katër të pandemisë me koronavirus, ku numrat e pacientëve të hospitalizuar dhe për fat të keq edhe të viktimave nuk kanë të ndalur, dhe kur i gjithë sistemi shëndetësorë po lufton jo vetëm me koronën, por edhe më të gjitha sëmundjet tjera kronike, na ndodhi një tragjedi e madhe. Tetova na ka prekur të gjithë neve, para së gjithash si njerëz, mjekë dhe si menaxher të institucioneve shëndetësore në shtetin tonë. Nuk jemi imunë ndaj dhimbjes për jetët e humbura, edhe pse punojmë në sistem ku çdo ditë shpëtohen dhe shuhen jetë njerëzish. Dhimbën e bartim me vete. Edhe Tetova është dhimbje për të gjithë ne. Shprehim ngushëllime të sinqerta deri tek familjarët dhe të afërmit e viktimave”, thuhet në letrën e drejtorëve.

    Pandemia nënvizojnë ata në letër, akoma po vazhdon ndërsa spitalet janë të stërmbushur me pacientë.
    Potencojnë se për momentin 1112 pacientë me simptoma të rënda po shërohen në Covid qendrat, rreth 30 pacient janë në respirator, ndërsa afro 700 në oksigjeno-terapi.

    “30 pacientë sot po luftojnë për jetë. Po kurohen në sistem të cilin e vendosi dhe çdo ditë e menaxhon bashkë me gjithë ne Venko Filipçe. Ai ën fakt është shtylla e këtij sistemi, sistem i cili u dëshmua se shpëton jetë. Falë atij sistemi arritëm që të shërojmë të sëmurët nga kovidi dhe njëkohësisht të kujdesemi edhe për të gjithë pacientët e tjerë me sëmundje të tjera, që nga fillimi i pandemisë. U sollën vendime të vështira, vendime të cilat ishin kyçe dhe ndihmuan që të dalim nga vala e dytë, e tretë dhe me sukses të përballemi e valën e katërt të pandemisë. Të lodhur, rraskapitur, ndonjëherë edhe të demoralizuar, të përballur edhe me zemërimin e qytetarëve. Në gjithë me ne ishte edhe Filipçe. Njeriu i cili gjithmonë merrte mbi vete barrën e vendimeve të përbashkëta. Ai është udhëheqës dhe partner konstruktiv Ai është njeriu që na udhëhoq në momentet më të vështira, njeriu i cili gjithmonë besonte në sistemin dhe kolegët e tij. Ai e njeh sistemin shëndetësor, mangësitë e tij dhe mundësit. Gjatë 18 muajve të kaluar slogani “ Dëgjo Venkon”, nuk ishte vetëm slogan, ishte mënyra e jetesës, jo vetëm për ne, por edhe për gjithë shtetin”, thuhet në letrën e drejtorëve të të gjitha Institucioneve të Shëndetit Publik.

    “I nderuari kryeministër, mos e pranoni dorëheqjen e ministrit Filipçe, vetëm merreni si akt i lart moral të një njeriu që demonstron shkallë të lartë të etikës, moralit dhe altruizmit. I nderuar Filipçe, vazhdoni të na motivoni, që të mund ti shndërrojmë emocionet në iniciativa për një sistem më të mirë shëndetësor. Nuk ka dorëheqje për ministrin Filipçe”, thuhet në letrën e drejtorëve të Institucioneve të Shëndetit Publik, drejtuar kryeministrit Zoran Zaev.

    Lajmi Paraprak

    Për familjet e prekura nga tragjedia në Tetovë, komuna e Gostivarit ndanë mjete financiare

    Lajmi i rradhës

    Opozita pas katër dorëheqjeve, kërkojnë përgjegjësi penale dhe dorëheqje tjera

    Lajme tjera

    Bashkohu

    Informohu në kohë