Një video shqetësuese po shpërndahet në rrjetet sociale. Në video shihet një vajzë që sulmohet nga një tufë qensh endacakë në një lagje afër Universitetit të Tetovës, përcjell Nistori.
Sipas videos, qentë endacakë në një moment vrapuan drejt vajzës së pafuqishme, e cila ishte e frikësuar dhe filloi të ikte në panik, ndërsa ra përtokë dhe filloi të thërrasë për ndihmë. Një burrë tjetër arrin t’i përzë qentë. Problemi me qentë endacakë në Tetovë është prezent prej vitesh dhe autoritetet lokale nuk mund të gjejnë zgjidhje. /Nistori/