Puna e Komisionit për Zgjedhje dhe Emërime është e penguar dhe për momentin Kuvendi nuk mund të zgjedhë gjyqtarë kushtetues dhe të mundësojë funksionimin normal të Gjykatës Kushtetuese, thuhet në përgjigjen e kabinetit të kryetarit të Kuvendit Talat Xhaferi në letrën e kryetares së Gjykatës Kushtetuese, Dobrila Kacarska.
Kabineti i Kryetarit të Kuvendit njofton se Xhaferi ka pranuar letrën nga kryetarja e Gjykatës Kushtetuese, Dobrila Kacarska, lidhur me problemet në punën e Gjykatës Kushtetuese të Republikës së Maqedonisë së Veriut.
“Kuvendi, në përputhje me kompetencat e tij kushtetuese, njoftohet për skadimin e mandatit të gjyqtarëve kushtetues, përkatësisht Kuvendi, me propozimin e Komisionit për Zgjedhje dhe Emërime, zgjedh gjyqtarët kushtetues nga radhët e juristëve të shquar në Republikën e Maqedonia e Veriut”, thuhet në një komunikatë nga Kabineti i Xhaferit.
