Deputeti i VMRO-DPMNE-së opozitare, Igor Zdravkovski i ftuar në “Magazina Ekonomike” iu kundërpërgjigj akuzave të partive të pushtetit se opozita në Kuvend po bllokon miratimin e ligjeve të rëndësishme për qytetarët. Sipas tij, faji është në radhët e partive në pushtet, përcjell Nistori.
“Ajo që LSDM-ja po tenton të na akuzojë, po ndodh për shkak të mos koordinimit të brendshëm të tyre, sepse paralelisht kemi grupe të zjarrit, kemi disa kërkesat tjera nga struktura të caktuara te shumica dhe e gjithë kjo, të gjithë këto, kontribuojnë që të vije deri tek mungesa e kuorumit”, tha Zdravkovski. /Nistori/
