Organizmi i njeriut është i pajisur me mekanizma të caktuar të cilat nëse funksionojnë siç duhet mund të luftojnë qelizat tumorale.
Këto mekanizma ndikohen gjërësisht nga stili i jetesës dhe ushqyerja.
Së fundmi, shkencëtarët kanë zbuluar se brokoli, kale dhe perime apo barishte të të njëjtit grupim botanik përmbajnë substanca të cilat fuqizojnë mekanizmat mbrojtës të organizmit.
Rëndësia e perimeve në betejën kundër kancerit
Kanceri formohet kur qeliza të caktuara dalin jashtë kontrollit duke pushtuar inde e organe.
Të dhënat e Organizatës Botërore të Shëndetësisë tregojnë se në vitin 2018, kanceri i morri jetën 9.6 milionë njerëzve.
Ekspertët kanë identifikuar plot 100 lloje të sëmundjes të cilat varen nga lloji i qelizës fillestare.
Nevojat për medikamente të reja dhe me çmim të lirë janë të mëdha.
Kohët e fundit, shkencëtarët kanë kthyer vëmendjen drejt botës së bimëve për të gjetur përbërës të caktuar që mund të luftojnë kancerin.
Studime të mëparshme kanë zbuluar se lakra, kale, brokoli dhe lakrat e vogla kanë shumë përbërës të rëndësishëm që luftojnë kancerin në nivel qelizor
Brokoli dhe kale të rëndësishëm kundër kancerit
Ekspertët thonë se brokoli dhe kale përmbajnë disa substanca të cilat mbajnë nën fre daljen nga kontrolli dhe shpërndarjen e qelizave kancerogjene në organet e trupit.
Këto substanca kanë efekt pengues të shpërndarjes së qelizave dhe ekspertët besojnë se duke shfrytëzuar këto përbërës, ata mund të krijojnë ilaçe të reja efikase kundër sëmundjes.
Përbërësit e perimeve të tilla, janë shumë efikase kundër kancerit të prostatës dhe të gjirit në veçanti.
Një prej tyre quhet sulforaphane i cili është përgjegjës për genet e njeriut duke fikur ato që rrisin predispozitat e sëmundjeve të rrezikshme.
Konsumi ditor i brokolit dhe perimeve të tjera është shumë i rëndësishëm për organizmin.
Veç të tjerash, brokoli është shumë i pasur me vitaminat C dhe K të cilat janë të rëndësishme për lëkurën, zemrën, trurin dhe kockat.
Një filxhan me brokoli ofron 80 miligramë vitaminë C dhe 93 mikrogramë vitaminë K./AgroWeb/
