Bëhet e ditur se sa miliardë njerëz e ndoqën Kupën e Botës në Katar

    Një muaj pas finales së paharrueshme të Kampionatit Botëror të Katarit mes Argjentinës dhe Francës, FIFA bëri të ditur shifrat që lidhen me këtë garë.   

    Finalja, të cilën Argjentina e fitoi me penallti, u ndoq nga 88.966 spektatorë në stadiumin Lusail në Katar dhe akti final u ndoq nga 1.5 miliardë njerëz në mbarë botën.

    Sipas Nielsen, një kompani amerikane e informacionit, të dhënave dhe matjes së tregut, Kupa e Botës u ndoq nga pesë miliardë njerëz përmes platformave të ndryshme.

    Ndeshjet u ndoqën nga 3.4 milionë njerëz në stadiumet e Katarit, ndërsa kampionati 2018 në Rusi u ndoq nga tre milionë shikues. Një rekord prej 172 golash u shënuan në Katar, ndërsa 171 gola u shënuan në kampionatet e viteve 1998 dhe 2014.

    Cristiano Ronaldo u bë lojtari i parë që shënoi në pesë Kupat e Botës (2006, 2010, 2014, 2018 dhe 2022) dhe Lionel Messi u bë lojtari i parë që shënoi në fazat eliminatore të katër kampionateve radhazi që kur FIFA prezantoi raundin e 16-të në vitin 1986. Me 26 ndeshje të luajtura në Kupën e Botës, Messi ka kaluar rekordmenin e mëparshëm Lotar Matthaus.

    Stephanie Frappart u bë gjyqtarja e parë në Kupën e Botës. Për herë të parë në histori, tre skuadra afrikane hynë në top 16, dhe në të njëjtën kohë, Maroku u bë vendi i parë afrikan që doli në gjysmëfinale.

    1.85 milionë njerëz vizituan Festivalin e Fansave të FIFA-s në Doha dhe 450 milionë njerëz ndoqën himnin e kampionatit “Tukoh Taka” në YouTube, njoftoi FIFA.

    Në organizimin e kampionatit morën pjesë 20,000 vullnetarë nga 150 vende, 17,000 vullnetarë nga Katari dhe 3,000 nga vende të tjera. Vullnetari më i ri ishte 18 vjeç dhe më i madhi 77.

    Gjithsej 10 mijë janë përfaqësues të medias ishin në Katar. 

    Lajmi Paraprak

    Koliqi në një analizë strukturaliste

    Lajme tjera

    Bashkohu

    Informohu në kohë