Mesfushori i Liverpoolit, Naby Keita, është përfshirë në radarin e Juventusit – njofton Calciomercato.
27-vjeçari ka më pak se një vit e gjysmë në kontratën e tij në Anfield dhe e ardhmja e tij është e paqartë.
Bianconerët thuhet se janë favoritë për nënshkrimin e Keitas dhe tashmë janë duke përgatitur ofertë për afatin kalimtar veror.
Sipas mediumit italian, Zonja e Vjetër do të ofrojë rreth 30 milionë euro për ta pasur mesfushorin në skuadër nga sezoni i ardhshëm.
Ndërkohë, klubi italian do të ketë konkurrencën e klubeve, si Barcelona dhe Bayern Munich, që janë po ashtu të interesuar për Keitan.
