Kampioni Botëror në sportin e Muay Thai (i njohur edhe si Thai Boxing), Luan Rudaj sot ka pranuar mirënjohje nga ambasadori Ukelli për rezultatet e arritura dhe kontributin e tij në masovizimin e sportit tek diaspora shqiptare në Zvicër, përcjell Nistori.
Ndryshe, Rudaj ka arritur sukses të jashtëzakonshëm në sportin ndërkombëtar. Ai titullin e kampionit e mbrojti në vendin e origjinës së këtij sporti në Tajlandë në shkurt të këtij viti.
Rudaj me krenari theksoi që në Federatë ka të regjistruar edhe shtetësinë e Kosovës pasi që synon që një ndeshje për kampion bote ta zhvilloj në Kosovë. Sportistët si Luani janë Ambasadorët më të mirë të vendit tonë. /Nistori/
