E ardhmja e Cristiano Ronaldos ende nuk është zgjidhur pasi saga gjatë verës rezultoi në qëndrimin e portugezit në Old Trafford pavarësisht kërkesës së tij për një largim.
Në korrik, Ronaldo tronditi Unitedin deri në thelb pasi thuhet se kërkoi që klubi ta shiste nëse do të bëhej një ofertë e përshtatshme. Megjithatë, klubi ka qenë gjithmonë i bindur se pesë herë fituesi i Topit të Artë nuk ishte në shitje.
E ardhmja e Ronaldos ka qenë sërish në qendër të vëmendjes pasi ai mbeti në stol gjatë humbjes së turpshme 6-3 të Djajve të Kuq kundër Manchester Cityt të dielën.
Pas ndeshjes, Erik ten Hag tha se nuk e inkuadroi në lojë Ronaldon ‘për respekt për karrierën e tij të madhe’.
Është raportuar se si pasojë e mospërfilljes së tij për ndeshjen derbi, Ronaldo tani do të kërkojë të gjejë një klub të ri në janar.
Sipas mediumit Daily Express, United mund të ketë katër opsione të rreshtuara për të zëvendësuar 37-vjeçarin në vijën e parë të sulmit.
Victor Osimhen – Napoli
Nigeriani ishte i lidhur me një lëvizje në Old Trafford gjatë verës, por një lëvizje nuk u materializua kurrë pasi Unitedi nuk ishin të përgatitur për të përballuar çmimin e madh prej 100 milionë funtesh të vendosur nga Napoli.
Pavarësisht fillimit të mirë të ekipit të tij në sezonin 22/23, Osimhen ka luftuar për të gjetur formën e tij më të mirë, pasi ka shënuar vetëm dy herë në Serie A.
Napoli aktualisht është në krye të grupit të tyre në Ligën e Kampionëve pasi mposhti bindshëm Liverpoolin, Rangers dhe Ajaxin, teksa kryeson edhe tabelën në Serie A me 20 pikë.
Ivan Toney – Brentford
Ylli i Brentfordit, Toney mund të jetë një opsion për Unitedin pasi 26-vjeçari tashmë ka përvojë në Ligën Premier.
Nga ana e lojtarit, ai mund të joshet të kalojë në një klub të madh si Unitedi për të rritur shanset e tij me Anglinë.
Pasi shënoi 14 gola sezonin e kaluar, Toney ka qenë në formë të mirë këtë sezon. Deri më sot, ai ka pesë gola në tetë paraqitje.
Me moshën në anën e tij, Toney mund të provojë të jetë një nënshkrim i zgjuar për Erik ten Hag.
Cody Gakpo – PSV Eindhoven
Holandezi i talentuar ishte në shënjestër të Unitedit në verë së bashku me anësorin e Ajaxit, Antony , i cili përfundimisht nënshkroi në ditën e fundit.
U raportua se Gakpo nuk ishte një alternativë për Antony dhe United kishte planifikuar të nënshkruante të dy lojtarët. Megjithatë, Gakpo qëndroi me PSV-në pavarësisht ofertave të vonuara nga Southampton.
22-vjeçari që atëherë ka bërë disa paraqitje mbresëlënëse për skuadrën e Ruud van Nistelrooy. Gakpo ka shënuar 10 gola dhe nëntë asistime në 14 ndeshje në të gjitha garat.
Tammy Abraham – Roma
Ish-lojtari i Chelseat, Abraham është vendosur si i preferuari i tifozëve që nga transferimi i tij nga Stamford Bridge në Romë.
Pasi ka ndihmuar skuadrën e Jose Mourinhos të fitojë Ligën e Konferencës sezonin e kaluar, ai do të jetë i vendosur të luajë një rol në ngritjen e Romës më lart në tabelën e Serie A.
Pavarësisht se deklaron se është i lumtur në Itali, një ofertë prej rreth 80 milionë funtesh mund ta tundojë Romën të bëjë biznes.
Me shanset e tij për të shkuar në Kupën e Botës duke u zbehur pasi ka shënuar vetëm dy gola deri më tani këtë sezon, një rikthim në Ligën Premier mund të rrisë shanset e tij të ardhshme në Angli.
