Mesfushori i Milanit, Franck Kessie ka të ngjarë të refuzojë një transferim si lojtar i lirë te Tottenham Hotspur gjatë verës pasi ai preferon të qëndrojë në Serie A dhe Interi dhe Juventus janë të interesuar.
Kessie ka refuzuar ofertën e kontratës së re të Milanit me vlerë 6.5 milionë euro në vit dhe është i vendosur të largohet nga kuqezinjtë si lojtar i lirë në fund të sezonit.
Sipas La Gazzetta dello Sport, Interi tashmë e ka bërë të ditur interesimin për mesfushorin, por Nerazzurrët do të përballen me konkurrencën nga Juventusi.
Kessie, inizia la battaglia di mercato: si muovono anche Inter e Juve. I dettagli #calciomercato https://t.co/gX1DhMuUiK
— La Gazzetta dello Sport (@Gazzetta_it) January 27, 2022
Tottenham Hotspur ka takuar gjithashtu agjentin e lojtarit, por Kessie duket i gatshëm të qëndrojë në Serie A.
Takimi me Spurs përshkruhet si ‘jo pozitiv’ pasi lojtari i Bregut të Fildishtë preferon qëndrimin në kampionatin italian.
Interi nënshkroi Hakan Calhanoglu si lojtar i lirë nga Milani verën e kaluar dhe shpreson që Kessie të ndjekë rrugën e ish-shokut të tij të skuadrës.
Mbetet për t’u parë nëse Nerazzurrët apo Juventusi do të përmbushin kërkesat ekonomike të lojtarit, duke qenë se ai raportohet se ka kërkuar një marrëveshje të re me 8-9 milionë euro në vit.
