Ndeshja mes Bajern Munihut dhe Barcelonës, në kuadër të xhiros së gjashtë në fazën e grupeve, do zhvillohet pa tifozë. Përballja e ‘zjarrtë’ mes dy gjigantëve evropian zhvillohet javën tjetër në “Allianz Arena”.
Kryeministri i kantonit të Bavarisë, Markus Soder, ka konfirmuar se ndeshja mes Bajernit dhe Barcelonës do zhvillohet pa tifozë, shkaku i gjendjes së keqe me pandeminë e “Covid-19”.
Ndërkohë, për Barcelonën ky mund të jetë lajm i mirë, ngase duhet të arkëtojnë pikët e plota, që të sigurojnë kualifikimin në fazën tjetër. Në rast që Barcelona nuk arrin ta mposht Bajernin, atëherë duhet të shpresojë që Benfika të dështojë ndaj Dinamo Kievit, sepse përndryshe do luajnë në Ligën e Europës.
