Java e tretë e Ligës së Parë të Maqedonisë së Veriut është mbyllur me ndeshjen e fundit ku Shkëndija ka shënuar fitore ndaj AP Brera me rezultat 0-2.
Ekipi nga Tetova në këtë ndeshje kishte edhe një grup të tifozëve të tyre të cilët kishin udhëtuar për të mbështetur ekipin kuq e zi, ndërsa kjo ka zgjatur vetëm deri në minutën e 30-të, pasi sipas tifozëve “Ballsitëst” ata janë detyruar ta lëshojnë tribunën pas shpalosjes së flamurit Kombëtar shqiptar.
Reagimi i Ballistëve:
Ndryshe, KF Shkëndija shkroi në FB se policia ndali flamurin kombëtar në tribunë për “Ballistët”, mirëpo nuk ndalën dot fluturimin e Fiton Ademit në fushë, që me dy realizime i dha triumfin dhe vendin e parë në renditje klubit.
Ndeshja e radhës
Fundjavën e ardhshme zhvillohet xhiroja e katërt, pas çka kampionati do të ketë pauzë dy javore shkaku i ndeshjeve ndërkombëtare të ekipeve përfaqësuese. Shkëndija do të luajë si vendase në Tetovë përballë Pelisterit.
Shkëndija-Pelisteri 31.08.2024
