Alarmi u ngrit nga Pasquale Guida, drejtore e departamentit të Ortopedisë në spitalin Santobono në Napoli. Sipas ortopedes, në fakt, në të kaluarën ngjarjet kryesore që kanë shkaktuar fraktura kanë qenë aksidentet rrugore dhe lëndimet gjatë sporteve me kontakt, sot dëmtimet skeletore janë pasojë e traumave për shkak të qëndrimit në shtëpi.
Fëmijët mbipeshë
Më pas, disa fraktura bëhen më të vështira për t’u trajtuar për shkak të peshës dukshëm mbi mesataren. Kjo shkakton vështirësi të mëtejshme në ri-rreshtimin dhe stabilizimin e rezultateve për ortopedët, sepse mjetet mekanike të sintezës (vidat, pllakat, fiksuesit, gozhdët) duhet të kenë karakteristika mbyllëse të tilla që të përballojnë stresin e konsiderueshëm mekanik.
Fraktura më komplekse
Kompleksiteti dhe ashpërsia e frakturave që ortopedët vërejnë vitet e fundit janë shpesh pasojë e stilit të jetesës së ulur të fëmijëve dhe adoleshentëve. Sot një fëmijë 12-vjeçar kalon mesatarisht 8 orë në ditë para kompjuterit. Kjo do të thotë se gjatë gjithë asaj kohe fëmija nuk ushtron reflekset që duhet ta mbrojnë në rast të rënies. Këta fëmijë janë shumë të aftë në përdorimin e kompjuterëve ose video lojërave, por nëse rrëshqasin në lagështi ose thjesht bien, janë shumë më pak reaktivë në mbrojtjen e tyre, bien si të moshuarit. Në këtë mënyrë, kockat thyhen në një mënyrë shumë më komplekse, deri në atë pikë sa edhe rëntgeni nuk arrin të japë të gjithë informacionin e nevojshëm.
Krahasuar me të kaluarën, kirurgjia ortopedike është gjithnjë e më e saktë dhe më pak invazive, falë përdorimit të teknologjive të reja si për diagnostikimin ashtu edhe për trajtimin. Vitet e fundit, indikacionet për kirurgji në trajtimin e frakturave të parakrahut tek fëmijët (të cilat janë më të shpeshtat në gjymtyrën e sipërme), për shembull, është rritur me 20%. Në fakt, kirurgjia siguron rezultate më të mira se trajtimi konservativ me allçi dhe mbi të gjitha garanton një periudhë më të shkurtër sëmundjeje dhe një rikuperim të hershëm të funksionit./Pernenat/
