Përzierja me pijen e preferuar të fëmijës është vetëm një mënyrë për ta detyruar fëmijën të marrë ilaçin e nevojshëm
Infermierja e fëmijëve Penny, e cila ka gati 150 mijë ndjekës në rrjetin social Instagram, u jep prindërve këshilla se si të qëndrojnë të qetë dhe të qëndrueshëm kur fëmija i tyre nuk është mirë.
Ndërsa rriten, lindin probleme të tjera, të tilla si moskuptimi pse duhet ta marrin ilaçin ose shqetësimi për këtë gjë.
Penny së fundmi zbuloi se si t’u jepte foshnjave ilaçe të lëngshme dhe përdorimi i shiringave oralë është praktikisht i nevojshëm.
Këto janë këshillat e saj:
1. Pjesa e brendshme e gojës
– Nëse jeni duke injektuar ilaç në gojën e një fëmije të vogël ose foshnje, synoni pjesën e brendshme të faqes – thotë Penny.
Kjo bëhet për të parandaluar që fëmija të shijojë ilaçin.
– Nëse synoni mesin e gojës, me siguri do ta pështyjnë ose do ta hedhë me gjuhë (ky është një refleks natyral i foshnjave) – thekson Penny.
2. Përdorni biberon
– Futja e biberonit në gojën e tyre, sapo të injektoni ilaçin, do të nxisë gëlltitjen. Ju gjithashtu mund ta pikoni ilaçin në anën e gojës, ndërsa biberoni është ende brenda gojës, por do t’ju duhet të përdorni aftësitë tuaja ninxha – shtoi infermierja.
3. Trazojeni në lëng
– Një truk tjetër i mrekullueshëm është thjesht të përzieni ilaçin në pijen e preferuar të fëmijës suaj, por kini kujdes që të mos përdorni shumë lëngje, sepse duhet të siguroheni që ata ta pinë të gjithë ilaçin – tha Penny.
A keni ndonjë këshillë tjetër për prindërit që luftojnë me këtë problem?
