Peshku luan, një specie tepër e rrezikshme, është shtuar ndjeshëm në Gjirin e Vlorës dhe po kapet pothuajse çdo ditë në rrjetat e peshkatarëve.
Sipas peshkatarit Sherif Dyrmishi, peshku është kapur në një thellësi deri në 40 metra, në brendësi të Gjirit të Vlorës, pranë zonës së Karaburunit.“Helmi i tij është i rrezikshëm dhe ky peshk nuk duhet të konsumohet,” u shpreh Dyrmishi, duke theksuar se kjo specie duhet të eliminohet për shkak të rrezikut që paraqet. Peshku luan ka gjemba helmuese dhe prekja e tij mund të shkaktojë helmim të rëndë.
Kjo specie gjendet kryesisht në Detin e Kuq dhe zakonisht jeton në thellësi të mëdha, ndërsa prania e tij në ujërat e Adriatikut dhe Jonit konsiderohet shqetësuese nga specialistët, për shkak të ndikimit negativ në ekosistemin detar dhe rrezikut për peshkatarët.
