Gjermania e para për marka më të mira në botë

    Është publikuar Indeksi Anholt-Ipsos Nation Brands për këtë vit, i cili përfaqëson renditjen e 60 vendeve që janë marka kombëtare në vetvete.

    Renditja u përcaktua nga një sondazh që përfshiu 60 mijë njerëz dhe të gjithë u pyetën se cili vend është marka më e mirë. Ata renditën 60 vende të paracaktuara. Ndër pesë vendet e para të renditura janë Gjermania, Kanadaja, Japonia, Italia dhe Mbretëria e Bashkuar.

    Gjermania është e para në këtë listë dhe renditet e para për të pestin vit radhazi. Të anketuarit thanë se ishin të kënaqur me produktet gjermane, investimin në këtë vend, punëtorët gjermanë dhe ndjekjen e garave në të cilat janë të përfshirë atletët gjermanë. Kjo është hera e shtatë që ky vend është në krye të kësaj renditje.

    Kanadaja është e dyta sepse njihet si një vend që menaxhohet mirë, investohet dhe ka një politikë të mirë migracioni.

    Japonia është në vendin e tretë, ndërsa vitin e kaluar ishte në vendin e katërt. Njihet si një vend me kulturë të pasur dhe si një vend tërheqës turistik. Është vlerësuar shumë për kulturën e jetës së popullsisë së saj, si dhe për produktet që eksporton në mbarë botën.

    Italia është në vendin e katërt dhe një vit më parë ishte në vendin e gjashtë. Arsyeja për këtë është kultura e pasur dhe oferta turistike.

    Britania e Madhe është në vendin e pestë. Të anketuarit vlerësojnë më shumë shkencën, teknologjinë, sportin dhe kulturën e saj. Është vërejtur se ka pësuar regres për sa i përket mbrojtjes së mjedisit.

    Lajmi Paraprak

    Çka me funksionimin e transportit publik në Tetovë? Njëherë fillon dhe më pas ndërpritet!

    Lajmi i rradhës

    Qeveria e Kosovës përveç masave të reja anti-Covid, miratoi edhe katër projektligje

    Lajme tjera

    Bashkohu

    Informohu në kohë