Regjisori Arben Thaçi merr çmimin për regjisor debutant më i mirë në Festivalin e Filmit të Pavarur në Montreal të Kanadasë për regjinë e filmit “I Treturi”. Ky është çmimi i dytë ndërkombëtar i filmit pas çmimit për fotografinë më të mirë realizuar nga Vladimir Samoilovski në Anatolia Film Festival. Përndryshe filmi “I Treturi” deri më tani ka qenë pjesë e gjashtë festivaleve ndërkombëtare, njofton Nistori.
Aktorët që luajnë në film janë: Sotiraq Bratko, Eva Alikaj, Kejdi Ademi, Sokol Monallari, Afrim Muçaj, Sheqerije Buçaj, Blerim Ismani, Arsim Fazlia, Enis Murati, Refet Abazi, Neritan Liçaj, Adem Karaga, Selman Jusufi. Drejtor i fotografisë ka qenë Vladimir Samoilovski, montazhi nga Bllagoja Nedelkovski dhe Shpëtim Ameti, muzika nga Trimor Dhomi, skenografia – Bilgaip Koçishta, kostumet – Albulena Borovci dhe dizajni i zërit nga Darko Spasovski. /Nistori/
