Dje në garat ndërkombëtare për piano Polyhymnia të organizuara në Shkup, nxënësit e shkollës së muzikës nën mentorimin e mësueses Fjolla Lena Elmazi u klasifikuan shumë lartë. Edhe pse konkurenca ishte e madhe me pjesëmarrës nga RMV, Sërbia, Kosova, Mali i Zi, nxënësit tetovarë arritën të rangohen shumë lartë, përcjell Nistori.
Poema Neziri fitoi çmimin e parë me 97 pikë dhe Arban Rakipi çmimin e dytë me 85 pikë. Mësuesja Fjolla Lena Elmazi shprehet se ato nuk do ta ndërpresin punën e tyre, përkundrazi po përgatiten edhe për garat e ardhshme në mbarë vendin si dhe jashtë RMV.
Duke shpresuar që në të ardhmen këta fëmijë do të jenë ambasadorë të kulturës dhe do të na përfaqësojnë në gara ndërkombëtare. /Nistori/