Sot (28 qershor) në ora 20:00 në Teatrin e Tetovës do të jepet premiera e dramës “Tartufi” sipas Molierit, me regji dhe përshtatje nga Andrej Cvetanovski. Shfaqja do të jetë në gjuhën maqedonase, përcjell Nistori.
Shfaqja është e mbushur me imazhe vizuale dhe konflikte emocionale midis personazheve. Vetë Molieri konsiderohet si një nga autorët më të talentuar të dramës klasike dhe është një sfidë për të gjithë aktorët dhe ekipin, duke krijuar një përshtypje krijuese dhe energji të bukur.
Fjala e regjisorit Andrej Cvetanovski:
Njerëzit e fortë krijojnë paqen. Paqja krijon njerëz të dobët. Njerëzit e dobët krijojnë kohë të vështira. Kohët e vështira krijojnë njerëz të fortë. Dhe kështu ata janë në një rreth. Nëpërmjet kësaj maksime u përpoqëm të vështronim temën e përjetshme të hipokritit më të madh në dramën klasike, Tartufi. Por a është ai hipokrit apo njerëzit që varen nga aftësia e tij? Nëpër situata të forta dhe emocionale, zhvillohet një thriller i bazuar në marrëdhëniet e ngatërruara të një familjeje dhe obsesionin e tyre të vazhdueshëm pas pasurisë. Nëpërmjet gjithë atyre personazheve dhe komploteve të tyre, ne modernizuam dhe sollëm historinë e shpërbërjes së familjes, pra të sistemit, në kushtet e sotme. A ishte kompania në rënie të vazhdueshme edhe para se të vinte Tartufi? A po prishen rrënjët e familjes Pernell nga kohërat paqësore në të cilat jeton aristokracia e re?
Regjia dhe përshtatja: Andrej Cvetanovski Skenografia: Sergej Svetazarev
Kostumet: Medina Hoxha
Muzika: Dimitar Andonovski
Luajnë:
Tartif – Gjorgji Neshkoski
Orgoni – Petrit Neziri
Elmira – Mia Kantarxhieva – Petrovska
Dorina – Marija Cvetanovska
Damis – Marko Bogdanovski
Kleant – Argjend Hassani
Marijana – Irena Mircheska
Valer – Abdullah Osmani
Pernell – Berat Saliu
Lojal – Shkumbin Zeqiri
Shfaqja do të jepet edhe nesër mbrëma në po të njëjtën kohë. Hyrja është me bileta dhe kushton 300 denarë. /Nistori/