Poezi nga: Charles Bukowski
Përktheu: Fadil Bajraj
gjatë jetës sime dy herë e kam shikuar si
digjet ky qytet
dhe ngjarja më e rëndësishme
ishte reagimi i
politikanëve më
pas
derisa ata
proklamonin padrejtësinë e
sistemit
dhe kërkonin njëfarë marrëveshje
të re për të pafatët dhe të
varfërit.
asgjë s’qe përmirësuar herën e
fundit.
asgjë s’do të ndryshojë as kësaj
here.
të varfërit do të mbesin të varfër.
të papunësuarit do të mbesin ashtu siç
janë.
të pastrehët do të mbesin
të pastrehë.
ndërsa politikanët,
me gjithë të mirat e Zotit, do të jetojnë në
mirëqenie sa të jetë jeta.
