“Nga këto nisma unë nuk shoh që përgatitet ndonjë ripushtim i Kosovës. Kjo është nismë që nismës vullnetarisht mund t’i bashkangjiten edhe vendet e tjera të rajonit, mund mos i bashkangjiten. Secili shtet sheh interesat e veta, aty ku rrezikohen, kërcënohen interesat e shtetit, sigurisht që nuk i bashkangjitet një nisme të tillë “, kështu është shprehur kryetari i BDI-së, Ali Ahmeti për “Open Balkan”, përcjell Nistori.
Ahmeti ka thënë se gjërat nuk duhet të merren me emocione sa i përket kësaj nisme, por nisma duhet parë me gjakftohtësi dhe çka është e dobishme për Kosovën të mos përjashtohet dhe çka mund të jetë e dëmshme të mos pranohet. /Nistori/
