BE-ja ngrin asete ruse në vlerë prej miliarda dollarësh

    Shtetet e Bashkimit Evropian deri më tani ka ngrirë asete ruse në vlerë prej 13.8 miliardë dollarësh qëkur Rusia nisi pushtimin e Ukrainës, tha Komisionari i BE-së për Drejtësi, Didier Reynders.

    “Për momentin, ne kemi ngrirë – asete të oligarkëve dhe entiteteve të tjera – 13.8 miliardë euro [13.8 miliardë dollarë], pra një shumë mjaft të madhe”, tha Reynders për gazetarët në Pragë më 12 korrik para takimit joformal të ministrave të Drejtësisë.

    “Por, më duhet të them se një pjesë e madhe e kësaj shume, mbi 12 miliardë… vjen nga pesë shtete anëtare”, shtoi ai.

    Në kërkim të superjahteve të oligarkëve rusë
    FotogaleriNë kërkim të superjahteve të oligarkëve rusë

    Ai nuk tregoi se cilat ishin këto pesë shtete anëtare, por u bëri thirrje anëtarëve të BE-së që të rrisin përpjekjet për të identifikuar dhe ngrirë asetet që bien mbi juridiksionin e tyre.

    Ministri gjerman i Financave, Christian Lindner, tha se vlera e aseteve të ngrira ruse në shtetin e tij deri në mesin e qershorit ishte 4.48 miliardë euro.

    Ministri ukrainas i Drejtësisë, Denys Maliuska, përsëriti thirrjet e Kievit se asetet duhet të përdoren për të ofruar kompensime për dëmet e luftës, që janë kryer nga forcat ruse.

    “Aktualisht, ajo janë të mbrojtura nga imuniteti sovran, por ne mendojmë se asetet e shtetit që nisi luftën, kreu agresion, nuk duhet të mbrohen nga imuniteti sovran”, tha ai në Pragë.

    “Ne po vuajmë nga humbjet ekonomike, dhe nuk ka kuptim që këto humbje të mbulohen nga taksapaguesit ukrainas apo evropianë”, shtoi Maliuska. /REL/

    Lajmi Paraprak

    Pse Komuna e Tetovës e ka problem t’i publikojë kontratat në vepër që janë realizuar nëpërmjet “Xhob 2011”?!

    Lajmi i rradhës

    Opozita akuzon se rishikimi i buxhetit është tipar i keqmenaxhimit të Qeverisë

    Lajme tjera

    Bashkohu

    Informohu në kohë