Ka derivate të naftës, tregtarët rregullisht blejnë derivate sipas kërkesës, por disa tregtarë të vegjël nuk sillen drejt dhe kufizojnë furnizimin, gjë që lë përshtypjen se nuk ka derivate, thanë sonte nga Komisioni Rregullator për Energjetikë (KRRE).
Komisioni thekson se gjatë ditës së sotme nga një numër i madh i konsumatorëve kanë marrë indikacione se disa shitës me pakicë të derivateve të naftës kanë kufizuar sasinë.
“Disa pompa të benzinës lejojnë deri në 500 denarë për një automjet për të mbushur karburant. Të tjerët nuk lejojnë kamionët të furnizohen me karburant. KRRE ka njoftuar Inspektoratin Shtetëror të Tregut për situatën që menjëherë të forcohen kontrollet në terren të tregtarëve dhe të parandalohen sjellje të tilla jotregtare e cila është e palejueshme dhe e ndaluar”, thonë nga KRRE.
