Partitë politike dhe kandidatët e pavarur kanë edhe pesë ditë kohë për të prezantuar programin e tyre zgjedhor në tentim për të siguruar mbështetje në raundin e dytë të zgjedhjeve lokale që do të mbahen të dielën, më 2 nëntor.
Pasi të ketë skaduar afati për regjistrimin e personave të sëmurë dhe të pafuqishëm për të votuar, sonte përfundon edhe afati për personat në arrest shtëpiak.
Këta persona, si dhe të burgosurit dhe personat në azile pleqsh, votojnë një ditë para zgjedhjeve, më 1 nëntor.
Raundi i parë i zgjedhjeve lokale u mbajt më 19 tetor dhe përfundoi në 43 komuna, ndërsa procedura do të përsëritet në Gostivar, Mavrovë dhe Rostushë, Vrapçisht dhe Qendër Zhupë, ku nuk pati pjesëmarrje të mjaftueshme dhe nuk u arrit censusi.
