Eurodeputetja franceze kundër liberalizmit të vizave për Kosovën, reagon Von Cramon

    Viola von Cramon, raportuesja në Parlamentin Evropian për Kosovën, ka reaguar pas thirrjes së një eurodeputete francez që shtetasve kosovar mos t’iu liberalizohen vizat.

    Dominique Bilde gjatë ditës kishte pohuar përmes rrjeteve sociale se “refuzojmë zgjerimin e BE-së me këtë vend. Ne gjithashtu kundërshtojmë lëshimin e vizave për shumë shtetas të tyre!”.

    Eurodeputetja gjermane i ka kujtuar homologes se shumica e deputetëve të parlamentit evropian mbështesin përpjekjet e Kosovës për bashkëpunim me Bashkimin Evropian.

    Gjithashtu ajo ka pohuar se Kosova i ka përmbushur të gjitha kriteret për liberalizimin e vizave dhe “qytetarët e saj meritojnë, si të gjithë evropianët e tjerë, të lëvizin lirshëm”.

    Kujtojmë se edhe presidentja e Parlamentit Evropian, Roberta Metsola, ka kërkuar liberalizimin e vizave gjatë samitit të fundit midis vendeve të Ballkanit Perëndimor dhe BE-së.

    Ndryshe, Franca është vendi i vetëm që ka hezituar deri më tani t’i thotë po lëvizjes së lirë për shtetasit e Kosovës, por e cila raportohet se së fundi ka lëvizur drejt zhbllokimit të qëndrimit të saj. 

    Lajmi Paraprak

    PROPOZIMI FRANCEZ | Bachev: Ndoshta nuk është më i miri, por më i miri që kemi për momentin

    Lajmi i rradhës

    Që dialogu të mos rrudhet

    Lajme tjera

    Bashkohu

    Informohu në kohë