Zëvendës kryeministrja dhe ministrja kosovare e Punëve të Jashtme dhe Diasporës, Donika Gërvalla thotë se iniciativa “Ballkani i Hapur” dhe Iniciativa e komunave me popullatë shumicë serbe janë të papranueshme për qeverinë e saj, pasi, siç thotë, janë të dëmshme për shtetin, njoftoi korrespondenti i MIA-s nga Prishtina.
Në fjalimin e saj para Komisionit për eurointegrime pranë Kuvendit të Kosovës, Gërvalla porositi se marrëveshja për formimin e Iniciativës, e arritur mes Prishtinës dhe Beogradit në negociatat me ndërmjetësim të Bashkimit Evropian, nuk do të zbatohet.
“Vendimet në të kaluarën janë marrë me lehtësim të madh. ‘Ballkani i Hapur’ dhe Iniciativa janë dy tema të cilat i kemi analizuar dhe janë të dëmshme. Pohojmë se janë të dëmshme dhe do të punojmë që t’ua sqarojmë këtë atyre të cilët na dëshirojnë të mirën. Iniciativa do të krijojë një Bosnjë të dytë në Kosovë. Nuk dëshirojmë të paralizohemi si Bosnja, Nuk e kemi atë luksoz që të realizojmë marrëveshje të dëmshme”, deklaroi Gërvalla.
Paraprakisht edhe zëvendës kryeministri i dytë, negociatori kryesor në dialogun me Serbinë, Besnik Bislimi në intervistë për një medium të vendit po ashtu paralajmëroi se Qeveria, e udhëhequr nga Albin Kurti, nuk do të formojë Iniciativën e komunave serbe, ndërsa presidentja e shtetit, Vjosa Osmani tha se do të mund të formohet iniciativë, e cila “do të ketë kompetenca më së shumti sa një organizatë joqeveritare”.
