Ish-kryeministri Zoran Zaev është shprehur se kontesti që ka Maqedonia e Veriut me Bullgarinë është më i lehtë në krahasim me atë që kishte me Greqinë.
“Marrëveshja e Prespës kërkonte zgjidhje kreative për mbylljen e çështjeve me rëndësi historike. Kontesti bullgar është sfidë më e vogël se ajo me Greqinë. Besoj se Bullgaria do të gjejë forcë dhe do ta tejkalojë veten”, deklaroi Zaev.
Ai u shpreh se Bullgaria është mike dhe ky shtet duhet ta ndihmojë Maqedoninë e Veriut për shkak se nuk është interes vetëm i Maqedonisë të jetë pjesë e BE-së, por i gjithë rajonit. /Nistori/
