Në ditën e vënies së gurthemelit të korridorit 8-të që mundëson lidhje e autostradave Kumanovë – Shkup, Tetovë – Gostivari, Kërçovë – Strugë, më pas për të vazhduar deri në Tiranë, Durrës dhe Vlorë, ka folur edhe kryetari i Aleancës për Shqiptarët, Arben Taravari, raporton Nistori.
Taravari shpreson që autostrada Tetovë – Gostivar të ndërtohet sa më shpejtë, duke marrë parasysh se në këtë rrugë kalojnë rreth 12 mijë vetura.
“Një thënie thotë një shtet është i zhvilluar sa ka rrugë, apo një gjë tjetër, mbretëresha e komunikimit janë rrugët. Nisur nga kjo, kjo është shumë e rëndësishme për rajonin por edhe për RMV-në”, tha mes tjerash Taravari.
Fjalë rasti morën edhe kryeministri Kovaçevski, ambasadorja e Shteteve të bashkuara Angela Aggeler, zëvendëskryeministri i parë shqiptar, Artan Grubi, kreu i BDI-së Ali Ahmeti, ministri Bllagoj Boçvarski dhe Ejup Ristemi. /Nistori/
