Deputetët danezë kanë miratuar planin për një ishull artificial për të strehuar 35,000 njerëz dhe për të mbrojtur portin e Kopenhagenit nga ngritja e niveleve të detit.
Ishulli gjigand, i quajtur Lynetteholm, do të lidhet me tokën kontinentale përmes një unaze, tunelesh dhe linje metroje.
Miratimi nga parlamenti i Danimarkës hap rrugën për projektin që do të fillojë këtë vit.
Por ky projetk po përballet me kundërshtim nga ambientalistët që kanë shqetësime mbi ndikimin e ndërtimit të tij.
Planet për Lynetteholm përfshijnë një sistem digash rreth perimetrit të tij, me synimin për të mbrojtur portin nga ngritja e niveleve të detit dhe stuhive.
Nëse ndërtimi vazhdon siç është planifikuar, shumica e themeleve për ishullin jashtë kryeqytetit të Danimarkës duhet të ekzistojnë deri në vitin 2035, me një qëllim për të përfunduar plotësisht projektin deri në vitin 2070.
Shqetësimet lidhen me transportimin e materialeve me rrugë që përfshin një numër të madh të automjeteve. Një vlerësim mjedisor sugjeroi që do të kërkoheshin deri në 350 udhëtime me kamionë në ditë përmes Kopenhagës për të furnizuar lëndët e para pasi të fillojë ndërtimi.
Ndërtimi i ishullit artificial, me madhësinë e rreth 400 fushave të futbollit, do të kërkonte që rreth 80 milion ton tokë (dhe) të hidheshin në zonë për të krijuar vetëm gadishullin, raportojnë mediat lokale.
Ekzistojnë gjithashtu shqetësime midis ambientalistëve në lidhje me lëvizjen e sedimenteve në det dhe ndikimin e mundshëm në ekosistemet dhe cilësinë e ujit.
Protestuesit u mblodhën jashtë ndërtesës së parlamentit në Kopenhagë ndërsa ligji kaloi të Premten me një shumicë prej 85 pro dhe 12 kundër, sipas transmetuesit danez DR.
Carina Christensen, kryetarja e shoqatës për transportin rrugor danez të mallrave (IDT), tha se transporti më “miqësor me klimën” ishte një mundësi kur dorëzoheshin materiale për ndërtimin e Lynetteholm, por që do të kërkonte një kërkesë nga qeveria zyrtarët.
“Kamionët elektrikë, për shembull, do të heqin emetimet e CO2 dhe do të zvogëlojnë zhurmën, por në kthim kushtojnë më shumë dhe çojnë në më shumë udhëtime,” tha ajo.
