Ish-kryeministri Nikolla Gruevski ka reaguar pas ndryshimeve të fundit në Kodin Penal dhe akuzave se të njëjtat shpëtojnë atë nga shumica e dënimeve të shqiptuara tashmë ndaj tij.
Sipas tij, këto ndryshime nuk e prekin atë dhe veprimtarinë e tij, duke pretenduar se ai dhe bashkëpunëtorët e tij ndiqen politikisht për vepra të pabëra.
Gruevski thotë se një gjë të tillë e ka dëgjuar tashmë 5 vite dhe se nga ndryshimet ka individë në disa parti politike që mund të përfitojnë juridikisht dhe të shpëtojnë nga ndjekjet penale.
Në fund Gruevski shton se Qeveria këto veprime i bën nga frika sepse ka për çka të frikësohet.
