Përmes një njoftimi të LSDM-së thuhet se Mickoski është ai që shkel protokollet shëndetësore dhe luan me shëndetin e qytetarëve në kohën kur ka rritje të rasteve aktive.
“Partia e tij aktron shqetësim të rremë dhe në mëngjes kërkon mësim online, ndërsa ai pasdite shkel protokollet dhe rrezikon shëndetin e qytetarëve”, thonë nga LSDM.
Ata shtojnë se për shkelje të protokolleve duhet të mbahet përgjegjësi ndërsa institucionet duhet të reagojnë ndaj një sjellje skandaloze të Mickoskit.
“Mickoski që nga fillimi i pandemisë sillet në mënyrë të papërgjegjshme. Rrezikonte procesin e vaksinimit dhe fshihej nëpër kafene. Është e qartë pse Mickoski nuk dënoi sjelljen e kryetarit të Ohrit, Kiril Pecakov i cili në vend të vetizolimit, u shfaq në festë fetare te qytetarët”, thonë nga kjo parti.
