Sot, ministri i Drejtësisë Bojan Mariçiq mori pjesë në takimin e grupit të punës të vendeve të Ballkanit Perëndimor, ku theksoi se digjitalizimi i gjyqësisë është në fazën përfundimtare dhe së shpejti do të fillojë pajisjen e gjykatave të para në të gjithë vendin.
Mariçiq adresoi gjithashtu rëndësinë dhe përfitimet e digjitalizimit në Ballkanin Perëndimor në lehtësimin dhe përmirësimin e qasjes në drejtësi, për qytetarët në të gjithë rajonin.
“Strategjia e përbashkët digjitale e vendeve të Ballkanit Perëndimor do të përshpejtojë përpjekjet e integrimit në BE. Pritet të sjellë ndryshime më të shpejta në sundimin e ligjit, për të ndihmuar krijimin e një strukture funksionale të tregut në rajon dhe për të inkurajuar modernizimin e administratës dhe shoqërisë”, tha Mariçiq.
Nga Ministria e Drejtësisë thonë se takimi i sotëm i grupit të punës i përbërë nga përfaqësues të Ministrive të Drejtësisë nga Ballkani Perëndimor synon të thellojë bashkëpunimin rajonal në lidhjen e rajonit, shkëmbimin e përvojave dhe mbështetjen e procesit të dixhitalizimit, i cili është thelbësor, veçanërisht në rrugën e integrimit evropian.
