Mirënjohje e madhe për kontributin e vazhdueshëm në forcimin e sistemit shëndetësor, si dhe për ndihmën dhe mbështetjen vetëmohuese që nga fillimi i krizës me coronavirus, tha ministri i Shëndetësisë, Bekim Sali, në takimin e sotëm me zv. ambasadorin e ShBA-së Eric Meyer.
“Mbështetja e plotë nga qeveria amerikane është mbi 9 milionë dollarë për reagimin e vendit tonë në përballjen me covid pandeminë, duke mbështetur dhe forcuar laboratorin e Institutit të Shëndetit Publik, rindërtimin e objekteve shëndetësore dhe fondet me të cilat USAID do të mbështesë OBSH për forcimin e vazhdueshëm të kapaciteteve të reagimit ndaj emergjencave të sistemit shëndetësor gjatë pandemisë, me qëllim sigurimin e mbulimit më të madh dhe shpërndarjes së sigurt të vaksinave kundër coronavirusit”, tha ministri Sali.
Takimi i sotëm synon forcimin e mëtejshëm dhe një hap tjetër përpara në përmirësimin e sistemit shëndetësor në vendin tonë.
