Nëse zgjedhjet do të mbaheshin nesër, VMRO-DPMNE do të kishte avantazh të qëndrueshëm dhe serioz para LSDM-së, tha në emisionin “360 gradë” në Alsat, lideri i partisë opozitare, Hristijan Mickoski. Siç tha ai, fitorja do të konsiderohej në numrin e kryetarëve të komunave ose të këshilltarëve.
“Dihet se çfarë është fitorja, fitorja do të thotë më shumë vota sesa LSDM. Të kesh më shumë kryetarë të komunave, të kesh më shumë vota në listat e këshilltarëve. Dihet se çfarë është fitore, nuk mund ta relativizojmë këtë”, deklaroi Mickoski duke shtuar se nuk do të habitej nëse qeveria do të tentojë të anulojë zgjedhjet e ardhshme lokale, për ta ulur energjinë e votimit, e cila, sipas Mickoski, aktualisht është në anën e VMRO-DPMNE-së. /Nistori/
