Moska është goditur nga një stuhi e madhe bore që meteorologët nuk e kanë regjistruar që nga viti 1941.
Sipas agjencive ruse, në 24 orët e fundit shtimi i reshjeve në Moskë ka shkaktuar probleme të mëdha, si dhe rrugë të shumta janë bllokuar nga reshjet e borës.
#Moscow snowfall yesterday. pic.twitter.com/InGQGpmzaF
— JR2 (@JanR210) December 18, 2022
“Besohet se sot do të bien edhe 5 deri në 10 milimetra borë, që do të thotë se data 18 dhjetor do të shënohet me një maksimum rekord ditor të reshjeve. Njëkohësisht, siç parashikohet nga meteorologët, reshjet e borës në Moskë do të rriten në 40 centimetra deri më 19 dhjetor. Shpërthimet e erës mund të arrijnë 15 metra në sekondë”, shkruajnë mediat e huaja.
Gjithashtu, meteorologët rusë theksuan se pothuajse 30 për qind e reshjeve mujore ranë brenda një dite në qytet.
“Duke pasur parasysh se bora në qytet do të vazhdojë edhe gjatë ditës, kjo do të përfshihet në reshjet më të mëdha të borës në një ditë që nga viti 1879”, tha meteonovosti.
Gjithashtu, Ministria e Transportit e qytetit këshilloi të gjithë qytetarët që në ditët në vijim të heqin dorë nga udhëtimi me veturë dhe të kalojnë në transportin urban.
Për shkak të reshjeve të dendura të borës, sot në Moskë janë anuluar 56 fluturime dhe duket se reshjet e borës janë problem për të gjithë, përveç banorëve më të rinj që kanë shfrytëzuar këtë mundësi për të shijuar gëzimet e dimrit.
For the first time since 1941, heavy #snowfall covers #Moscow. This is according to meteorologist in #Russia. pic.twitter.com/aBlWdzZhIb
— Smriti Sharma (@SmritiSharma_) December 18, 2022
